Արտավազդ Մինասյան

Արտավազդ Մինասյանը Team Telecom Armenia-ի տնօրենների խորհրդի անկախ անդամ է։ Հանդիսանում է Krisp ու 10WEB ընկերությունների համահիմնադիրը և BigStory վենչուրային ֆոնդի կառավարող գործընկերը։

Ավարտել է ԵՊՀ ֆիզիկայի ֆակուլտետը՝ ստանալով մագիստրոսի գիտական աստիճան, այնուհետև ԵՊՀ ասպիրանտուրան՝ դառնալով Ֆիզիկամաթեմատիկական գիտությունների թեկնածու: Ուսանել է Հայաստանի ամերիկյան համալսարանում, ունի «Բիզնեսի կառավարման» մագիստրոսի կոչում։

Կարևորելով կրթության, գիտության և տեխնոլոգիաների զարգացման միջոցով Հայաստանի սոցիալ-տնտեսական կարգավիճակի բարձրացումը՝ Մինասյանն իրականացնում է ակտիվ հանրային գործունեություն․ ԱՏՁՄ և Այբ հիմնադրամների հոգաբարձուների խորհրդի անդամ է, իսկ գիտության հանրահռչակման ծրագրերին աջակցելու նպատակով ակտիվորեն ներգրավված է «Գիտուժ» նախաձեռնության աշխատանքներում։