Ալեքսանդր Եսայան

Ալեքսանդր Եսայանը Team Telecom Armenia-ի համահիմնադիրն ու տնօրենների խորհրդի նախագահն է։ Ունի ավելի քան 20 տարվա փորձ հեռահաղորդակցության ոլորտում։

Եսայանը գործարար է, ձեռնարկատեր, ներդրող և բարերար։ Նա ծնվել է Երևան քաղաքում, ինժեներների ընտանիքում։ Ավարտելով Ֆինանսների կառավարման ակադեմիան՝ ուսումը շարունակել է Սթենֆորդի համալսարանի Բիզնեսի ավարտական դպրոցում:

Շուրջ տասը տարի նա ղեկավարում է Առաջատար տեխնոլոգիաների ձեռնարկությունների միությունը (ԱՏՁՄ), որը համախմբում է Հայաստանում գործող ՏՏ և բարձր տեխնոլոգիաների ոլորտում աշխատող կազմակերպություններին ու հաստատություններին։ Բացի այս, Եսայանը «Մանդալ Էյ Այ» ընկերության գործադիր տնօրենն է, ունի բաժնեմաս «Թիմ» և «Թիմ Հոլդինգ» ընկերություններում։ 

Նա Տեղեկատվական տեխնոլոգիաների և ծառայությունների համաշխարհային դաշինքի (WITSA) տնօրենների խորհրդի անդամ է։  Հայաստանի ազգային պոլիտեխնիկական համալսարանի հոգաբարձուների խորհրդի անդամ և նախագահում է Հայաստանի պետական սիմֆոնիկ նվագախմբի հոգաբարձուների պատվավոր խորհուրդը։