Գաղտնի տեղեկատվության չհրապարակման մասին
ՀԱՄԱՁԱՅՆԱԳԻՐ

1. «Տելեկոմ Արմենիա» ԲԲԸ (այսուհետ՝ «Հրապարակող կողմ») սույն պայմաններով համաձայնվում է Ձեզ փոխանցել որոշակի Գաղտնի Տեղեկատվություն (ինչպես սահմանված է սույն Պայմաններով) Թիմ Պարտատոմսեր («Նախագիծ») կապակցությամբ, իսկ Դուք պարտավորվում եք խելամտորեն բավարար միջոցներ ձեռնարկել ստացվող Գաղտնի Տեղեկատվության պահպանման համար և Ձեր վրա եք վերցնում հետևյալ պարտավորությունները՝
   • Ձեռնարկել խելամտորեն բավարար միջոցներ սույն Պայմանների շրջանակներում ստացված Գաղտնի Տեղեկատվության պահպանման համար, ապահովել նրա պաշտպանվածության ռեժիմը` ՀՀ Օրենսդրությամբ սահմանված պահանջներին համապատասխան (Միաժամանակ, Դուք պարտավորվում եք․
   • Չօգտագործել Հրապարակող Կողմից ստացված Գաղտնի Տեղեկատվությունը (կամ դրա որևէ մասը), բացի նախագծի հետ կապված՝ առանց Հրապարակող Կողմի նախնական գրավոր համաձայնության։
   • Չհրապարակել Գաղտնի Տեղեկատվությունը երրորդ անձանց ամբողջությամբ կամ մասամբ՝ առանց Հրապարակող Կողմի նախնական գրավոր համաձայնության,
   • Չիրականացնել տեղեկատվության պատճենահանում, հավաքագրում, թարգմանություն կամ ցանկացած այլ փաստաթղթավորում, ինչպես նաև ցանկացած տեղեկատվական ռեսուրսների ստեղծում՝ բացառությամբ նախագծի հետ կապված դեպքերի։

   Սույն փաստաթղթի շրջանակներում Գաղտնի Տեղեկատվության պահպանման խելամտորեն բավարար միջոցների ներքո հասկացվում են այնպիսի միջոցներ, որոնք բացառում են Գաղտնի Տեղեկատվության մատչելիությունը երրորդ անձանց համար՝ առանց Հրապարակող Կողմի համաձայնության, ինչպես նաև ապահովում են Գաղտնի Տեղեկատվության օգտագործումը և փոխանցումը առանց նրա գաղտնիության ռեժիմի խախտման։

   
   

   Հրապարակող Կողմը իրավասու է վերահսկելու փոխանցված Գաղտնի Տեղեկատվության պաշտպանության ռեժիմի կարգավիճակը

   
   

   Սույն փաստաթղթի շրջանակներում Գաղտնի Տեղեկատվության հրապարակման ներքո հասկացվում է Ձեր ցանկացած գործողություն կամ անգործություն, որի արդյունքում Գաղտնի Տեղեկատվությունը, ցանկացած հնարավոր ձևով (բանավոր, գրավոր, էլեկտրոնային, այլ ձևով, այդ թվում նաև տեխնիկական միջոցների օգտագործմամբ), դառնում է հայտնի երրորդ անձանց՝ առանց Հրապարակող Կողմի համաձայնության։

   
   

   Սույն Պայմաններին համապատասխան՝ Դուք պարտավորվում եք անհապաղ տեղեկացնել Հրապարակող Կողմին Ձեր կամ Ձեր ներկայացուցիչների կողմից թույլ տրված կամ Ձեզ հայտնի դարձած գաղտնի Տեղեկատվության հրապարակման փաստի կամ հրապարակման վտանգի, ապօրինի ստացման կամ օգտագործման մասին։

   
   
2. Սույն Պայմաններով հստակորեն սահմանվում է, որ անձնական տվյալները չեն կարող մշակվել: Այն դեպքում, երբ Նախագծի հետ կապված գործողությունների կատարման համար Ստացող Կողմին անհրաժեշտ է ստանալ հասանելիություն Հրապարակող Կողմի տեղեկատվական ռեսուրսներին, որոնք պարունակում են անձնական ու այլ տվյալներ, որոնց նկատմամբ հասանելիությունը սահմանափակված է Հրապարակող Կողմի երկրի օրենսդրությամբ (այսուհետ` բոլոր միասին տեքստում՝ «Պաշտպանված տվյալներ»), ապա մինչ այդ ծառայությունների մատուցումը սկսելը Կողմերը կստորագրեն առանձին համաձայնագիր այդպիսի տեղեկատվական ռեսուրսների հետ աշխատանքի փոխգործակցության կարգի վերաբերյալ, ու կստանան բոլոր անհրաժեշտ թույլտվությունները՝ սահմանված Հրապարակող Կողմի երկրի օրենսդրությամբ: Սույն կետի պահանջները տարածվում են այն դեպքերի նկատմամբ, երբ Նախագծի հետ կապված գործողությունների կատարման համար պահանջվում է Հրապարակող Կողմի Պաշտպանված տվյալների փոխանցում Ստացող Կողմին:
   
   
3. Սույն Պայմաններում օգտագործվող, Գաղտնի Տեղեկատվությունե տերմինը նշանակում է ցանկացած գիտա-տեխնիկական, տեխնոլոգիական, արտադրական, իրավաբանական, ֆինանսա-տնտեսական կամ այլ տեղեկատվություն, այդ թվում նաև արտադրության գաղտնիքներ կազմող (նոու-հաու) (ներառյալ փաստաթղթեր, որոնք պարունակում են կամ այլ կերպ արտացոլում են Հրապարակող Կողմի, նրա հիմնադիրների, բաժնետերերի, մասնաճյուղերի, ներկայացուցչությունների, դուստր և կախյալ ընկերությունների մասին տեղեկատվություն, Հրապարակող Կողմի հաճախորդների և կապալառուների, ինչպես նաև Կողմերի միջև նամակագրություն կամ այլ տեղեկատվություն, որը պարունակում է տպագիր կամ էլեկտրոնային տեսքով գաղտնիության մասին համապատասխան կնիք կամ գրագրություն), որը ունի իրական կամ պոտենցիալ կոմերցիոն արժեք՝ ի շնորհիվ նրա՝ երրորդ անձանց ոչ հայտնի և օրինական հիմունքներով ազատորեն ոչ մատչելի լինելու և որի համար Հրապարակող Կողմից սահմանված է կոմերցիոն (առևտրային) գաղտնիքի ռեժիմ։
   
   
4. Գաղտնի Տեղեկատվության փոխանցող Հրապարակող Կողմի պահանջով Գաղտնի Տեղեկատվության բոլոր բնօրինակները և պատճենները ենթակա են անհապաղ վերադարձման Հրապարակող Կողմին։ Ցանկացած Գաղտնի Տեղեկատվություն, որը չի հայցվել վերոհիշյալ կերպով, պահպանվելու է Ձեր կողմից՝ հետևելով սույն Պայմանների պահանջներին, կամ ոչնչացվելու է ըստ Հրապարակող Կողմի համաձայնության։ Այնուամենայնիվ, Ստացող Կողմը իրավունք ունի պահպանել Գաղտնի Տեղեկատվության պատճենը։ Սխալ մեկնաբանությունից խուսափելու նպատակով՝ սույնով Դուք համաձայնվում ենք, որ Ձեր կողմից փաստաթղթավորված Գաղտնի Տեղեկատվության վերադարձը կամ ոչնչացումը չի ազատում Ձեզ սույն Պայմանների հետ կապված իր պարտականությունները կատարելուց։
   
   
5. Եթե Դուք պարտավոր եք լինելու հրապարակել որևէ Գաղտնի Տեղեկատվություն ՀՀ պետական իշխանության մարմիններին կամ ՀՀ պետական իշխանության սուբյեկտներին կամ էլ օտարերկյա պետությունների պետական իշխանություններին, ինչպես նաև Կոնֆիդենցիալ Տեղեկատվություն պահանջելու օրենդրությամբ լիազորված այլ մարմիններին, ապա Դուք պարտավոր է անհապաղ գրավոր տեղեկացնել Հրապարակող Կողմին տվյալ փաստի մասին։ Տվյալ դեպքում, պատշաճ կերպով տեղեկացնելով Հրապարակող Կողմին՝ Դուք, հրապարակելով Գաղտնի Տեղեկատվությունը սույն կետին համապատասխան, չեք համարվում Գաղտնի Տեղեկատվության չհրապարակման մասին պարտավորության խախտող։ Նման հրապարակման դեպքում Դուք պարտավորվում եք անել Ձեզանից կախված ամեն ինչ՝ ապահովելու հրապարակված Կոնֆիդենցիալ Տեղեկատվության գաղտնիությունը։
   
   
6. Ողջ Գաղտնի Տեղեկատվությունը փաստաթղթավորված տեսքով (առանձին փաստաթղթեր, առանձին փաստաթղթերի զանգվածներ, փաստաթղթեր և փատաթղթերի զանգվածներ տեղեկատվական համակարգերում՝ ինչպես սահմանված է ՀՀ Օրենսդրությամբ), որը փոխանցվում է Ձեզ, հանդիսանում է Հրապարակող Կողմի սեփականությունը։
   
   
7. Սխալ մեկնաբանությունից խուսափելու համար՝ սույն Պայմանների ոչ մի դրույթ չի հադիսանում որպես Հրապարակող Կողմի պարտավորություն կամ երաշխիք Գաղտնի Տեղեկատվության կազմում ընդգրկված տեղեկատվության հստակության, ճշտության կամ ամբողջականության համար։ Հրապարակող Կողմը չի կրում պատասխանատվություն Ձեզ կամ այլ անձանց կողմից Գաղտնի տեղեկատվության օգտագործման արդյունքների համար, որոնց այն կարող է փոխանցվել սույն Համաձայնագրի պահանջներին համապատասխան։
   
   
8. Սույն Պայմանները գործում են հինգ տարի ժամկետով՝ սկսած Ձեր կողմից այն հաստատելու պահից։
   
   
9. Սույն Պայմանները կարգավորվում են և ենթակա են կատարման ու մեկնաբանման Հայաստանի Հանրապետության գործող օրենսդրությանը համապատասխան։
   
   
10. Ձեր կողմից սույն Պայմանների մասով պարտավորությունների խախտման դեպքում՝ Հրապարակող Կողմը իրավասու է Ձեզանից պահանջել նման խախտման հետևանքով կրած ողջ վնասի փոխհատուցումը:
    
    
11. Սույն Պայմանները չեն ենթադրում Ձեզ հեղինակային իրավունքի որևէ օբյեկտների, պատենտների, գրանցված մոդելների, չգրանցված մոդելների, ապրանքանիշերի և սպասարկման նիշերի կամ Հրապարակող Կողմի Գաղտնի Տեղեկատվությունում պարունակվող կամ վերարտադրվող մտավոր գործունեության վերաբերյալ ցանկացած այլ իրավունքների որևէ փոխանցում կամ զիջում։ Ոչ Դուք ոչ էլ Ձեր անունից որևէ անձիք պարտավորվում են չդիմել Գաղտնի Տեղեկատվության կամ նրա որևէ մասի հանդեպ մտավոր գործունեության արդյունքների վերաբերյալ իրավունքների, ինչպես նաև ապրանքանիշի և/կամ սպասարկման նիշի, պատենտի կամ մոդելի համար։
    
    
12. Սույնով Դուք պարտավորվում եք չզիջել կամ չփոխանցել սույն Պայմաններից բխող Ձեր իրավունքները և պարտականությունները՝ առանց Հրապարակող Կողմի նախնական գրավոր համաձայնության։
    
    
13. Սխալ մեկնաբանումից խուսափելու համար՝ սույն Պայմանների ոչ մի դրույթ չի պարտադրում Հրապարակող Կողմին հրապարակել որևէ Գաղտնի Տեղեկատվություն կամ կնքել որևէ գործարքներ, այդ թվում նաև չեն բացառվում Նախագծի հետ կապված գործարքները։
    
    
14. Եթե սույն Պայմանների որևէ դրույթ կճանաչվի անվավեր, ապա նման անվավերությունը չի տարածվի սույն Պայմանների մյուս դրույթների կամ ամբողջությամբ Պայմանների վրա։
    
    
15. Սույն Պայմաններից առաջացող կամ բխող վեճերը լուծվում են բանակցությունների միջոցով։ Բանակցությունների միջոցով վեճերի սկսվելու պահից 30 (երեսուն) օրվա ընթացքում համաձայնության չգալու դեպքում՝ վեճերը կլուծվեն ՀՀ Օրենսդրությամբ սահմանված կարգով: