18.03.2025թ. Team Telecom Armenia-ն զգուշացնում է՝ որոշ զեղծարարներ, օգտագործելով Team-ի տարբերանշանը, ընկերության գլխավոր տնօրեն Հայկ Եսայանի լուսանկարը և նմանակելով ընկերության պաշտոնական կայքը՝ կեղծ հայտարարություն են տարածում այն մասին, թե Team Telecom Armenia-ն մեկնարկել է ներդրումների ներգրավման նախագիծ:

Ընկերությունը պաշտոնապես հայտարարում է, որ որևէ առնչություն չունի նշվածի հետ, և հորդորում է զերծ մնալ զեղծարարների կայքում որևէ անձնական տվյալ լրացնելուց կամ փոխանցումներ կատարելուց:

Team Telecon Armenia-ի նորությունների մասին պաշտոնական տեղեկատվությունը հասանելի է բացառապես պաշտոնական հարթակներում՝ telecomarmenia.am կայքում, ընկերության սոցիալական հարթակներում և 100 հեռախոսահամարով։

Տելեկոմ Արմենիա ԲԲԸ-ն (ապրանքանիշը՝ Team Telecom Armenia) հայկական ընկերություն է, որը առաջատար դիրք է զբաղեցնում երկրի հեռահաղորդակցության և տեղեկատվական տեխնոլոգիաների ոլորտներում։ Հանդիսանալով Հայաստանում առաջին տելեկոմ ցանցի ժառանգորդը՝ ընկերությունը ունի ոլորտում ծառայությունների մատուցման ավելի քան 100 տարվա պատմություն։ Team-ը տրամադրում է բջջային և ֆիքսված ինտերնետի, թվային հեռուստատեսության, բջջային և ֆիքսված հեռախոսակապի ծառայություններ թե՛ անհատ, թե՛ կորպորատիվ բաժանորդներին։ Հայաստանի բոլոր բնակիչներին բարձրորակ հեռահաղորդակցության ծառայությունների մատուցումը Team Telecom Armenia-ի նպատակն է։ Դրան հասնելու համար ընկերությունն անընդհատ արդիականացնում ու վերազինում է բջջային և ֆիքսված ցանցերը, գործարկում նոր միջազգային կապուղիներ, որոնք նաև բարձրացնում են Հայաստանում ինտերնետի հուսալիության և անվտանգության մակարդակը։

Հասարակայնության հետ կապերի բաժին`pr@telecomarmenia.am