01․10․2024 թ-ից փոփոխվում են «Տելեկոմ Արմենիա» ԲԲԸ հետևյալ արխիվային կանխավճարային սակագնային փաթեթների պայմանները՝ 

«Ռեմիքս» սակագնային փաթեթի բաժանորդների հաշվեկշռին բավարար գումար լինելու դեպքում Տարբերակ 1 կամ Տարբերակ 2 ծառայությունները ավտոմատ կերկարաձգվեն: Եթե վճարի գանձման պահին հաշվեկշռին չլինի բավարար գումար, ապա Տարբերակ 1 կամ Տարբերակ 2 ծառայությունները ավտոմատ չեն երկարաձգվի: Ծառայությունները նորից կվերաակտիվանան, երբ հաշվեկշռին լինի միանվագ ամբողջական վճարի համար բավարար գումար: 

Տարբերակ 1-ի ծառայության ակտիվացված լինելու դեպքում բաժանորդի դրական հաշվեկշռից կգանձվի 150 դրամ և 7 օրով կտրամադրվի անսահմանափակ ներցանցային րոպե և 500 ներցանցային SMS։ Տարբերակ 1-ը ակտիվանում է՝ *507#  հրահանգով։

Տարբերակ 2-ի ծառայության ակտիվացված լինելու դեպքում բաժանորդի դրական հաշվեկշռից կգանձվի 300 դրամ և 14 օրով կտրամադրվի անսահմանափակ ներցանցային րոպե և 1000 ներցանցային SMS։ Տարբերակ 2-ը ակտիվանում է՝ *514#  հրահանգով։ 

Ռեմիքս ՍՓ Տարբերակ 1  և Տարբերակ 2 ծառայությունները ապաակտիվանում են *510# հրահանգով։ 

«Մարզային 3500» կանխավճարային ՍՓ-ն դադարում է գործել 01․10․2024 թ-ից։ Հիմնական բջջային հեռախոսահամարի բաժանորդները կտեղափոխվեն նոր կանխավճարային «Մարզային 1000» ՍՓ-ի, որի ամսավճարը կկազմի 1000 դրամ և բաժանորդը կստանա 10․000 ներցանցային րոպե, 1500 ՄԲ, 150 ՍՄՍ, 10 հեռուստաալիք 30 օրվա համար։ «Մարզային 3500» ՍՓ-ին կից Ինտերնետ փաթեթի բաժանորդները կտեղափոխվեն նոր «Ինտերնետ 50 ԳԲ» սակագնային փաթեթին, որի համար կգործի առանձին բաժանորդային վարձ՝ 2000 դրամ։ «Մարզային 3500» ՍՓ-ին կից գործող լրացուցիչ համարները կտեղափոխվեն «Հարմար+» կանխավճարաին ՍՓ-ի վրա, և բաժանորդները կօգտվեն «Հարմար+» սակագնային փաթեթի համար սահմանված պայմաններից։

«Մարզային 5500» կանխավճարային ՍՓ-ն դադարում է գործել 01․10․2024 թ-ից ։ Հիմնական բջջային հեռախոսահամարի բաժանորդները կտեղափոխվեն նոր կանխավճարային «Մարզային 1000» ՍՓ-ի, որի ամսավճարը կկազմի 1000 դրամ և բաժանորդը կստանա 10․000 ներցանցային րոպե, 1500 ՄԲ, 150 ՍՄՍ, 10 հեռուստաալիք 30 օրվա համար։ «Մարզային 5500» ՍՓ-ին կից Ինտերնետ փաթեթի բաժանորդները կտեղափոխվեն նոր «Ինտերնետ 100 ԳԲ» սակագնային փաթեթին, որի համար կգործի առանձին բաժանորդային վարձ՝ 4000 դրամ։ «Մարզային 5500» ՍՓ-ին կից գործող լրացուցիչ համարները կտեղափոխվեն «Հարմար+» կանխավճարաին ՍՓ-ի վրա, և բաժանորդները կօգտվեն «Հարմար+» սակագնային փաթեթի համար սահմանված պայմաններից։ 

Լրացուցիչ տեղեկատվություն․ «Հարմար+» սակագնային փաթեթի պայմաններ՝

Զանգեր դեպի ՀՀ բոլոր բջջային ցանցեր՝ 19,9 դրամ

Ինտերնետ՝ 29 դրամ/ՄԲ

SMS դեպի ՀՀ բոլոր բջջային ցանցեր՝ 19․9 դրամ

SMS դեպի միջազգային ցանցեր՝ 20 դրամ 

«Հարմար +» սակագնային փաթեթին հասանելի է «Զրուցենք» ծառայությունը, որի ամսավճարը կազմում է 990 դրամ և 30 օրով տրամադրվում է անսահմանափակ ներցանցային րոպեներ։

Ընկերության այլ սակագնային փաթեթներին միանալու համար կարող եք այցել Team վաճառքի և սպասարկման կենտրոններ։  

01․10․2024 թ-ից փակվում է «Վճարման ունիվերսալ քարտ» ծառայությունը։