29 օգոստոսի, 2024 թ․, Երևան․ Team Telecom Armenia-ն իրականացնում է տեխնիկական արդիականացման աշխատանքներ, ինչով պայմանավորված «Team Բոնուս» ծրագրում հոկտեմբերի 1-ից հնարավոր է լինեն սահմանափակումներ։

Հայտնում ենք, որ բաժանորդների՝ 2023 և 2024 թվականներին կուտակած միավորները և կարգավիճակը պահպանվելու են, իսկ այդ միավորների օգտագործման վերջնաժամկետը սահմանվելու է 31.12.2025 թվականը։

Տեխնիկական վերազինման ընթացքում բաժանորդները շարունակելու են կուտակել միավորներ «Team Բոնուս» ծրագրի պայմանների համաձայն՝ բջջային կապի ծառայություններից օգտվելիս իրենց ծախսված յուրաքանչյուր 10 դրամի դիմաց, և փոխանակել համապատասխան փաթեթներով։ Այս ընթացքում հնարավոր է լինեն միավորները փաթեթներով փոխանակելու սահմանափակումներ:

Մեր թիմն իրականացնում է անհրաժեշտ միջոցառումները ծառայության հասանելիությունն ապահովելու համար։ «Team Բոնուս» ծրագրի աշխատանքի լիարժեք վերականգնման վերաբերյալ լրացուցիչ կտեղեկացնենք:

«Team Բոնուս»-ը խրախուսական ծրագիր է, որը հնարավորություն է տալիս կուտակել բոնուսային միավորներ կատարված ծախսերի դիմաց և փոխանակել մի շարք ծառայություններով: