Սիրելի բարեկամներ,

Ներկայումս կորոնավիրուսը (COVID-19) լրջորեն փոխում է մեր կյանքը: Հազարավոր մարդիկ չեն գնում աշխատանքի, երեխաները չեն հաճախում դպրոցներ և մանկապարտեզներ, հասարակական և մշակութային միջոցառումները հետաձգվել են: Մեր սոցիալական կյանքը փոփոխությունների է ենթարկվում, և ամենածանրն այն է, որ մենք բոլորս կարիք ենք զգում անձնական շփման և հանդիպումների, որոնց այնքան սովորել ենք:

Beeline-ի առաքելությունն է՝ մարդկանց շփման ուրախություն պարգևելը: Եվ եթե երեկ մեզ համար հիմնական խնդիրը հեռավորությունն էր, ապա այսօր մեր հիմնական թշնամին վիրուսն է: Չափերը զգալի փոքրացել են, սակայն վտանգն՝ ընդհակառակը:

Այդուհանդերձ, մենք չենք կորցնում զգոնությունը և իրականացրել ենք մի շարք միջոցառումներ թե՛ մեր աշխատակիցների և թե՛ մեր բաժանորդների անվտանգությունն ապահովելու ուղղությամբ: Մենք փակել ենք մեր գրասենյակները, աշխատակիցներն աշխատում են տներից, իսկ մեր ծառայություններից հնարավոր է օգտվել առցանց: Ապահովելով կապը երկրի ներսում և երկրից դուրս՝ մենք կանենք ամեն հնարավորը, որպեսզի կապը և ինտերնետը միշտ աշխատեն: Այս իրավիճակում մեր առաքելությունը ձեռք է բերում էլ ավելի կարևոր կողմեր. այժմ դա մեր սոցիալական առաքելությունն է և պարտքը Հայաստանի ամբողջ բնակչության և մեր յուրաքանչյուր բաժանորդի առջև:   

Սոցիալական միջոցառումների շրջանակներում մենք նաև համագործակցում ենք պետական մարմինների՝ մասնավորապես Առողջապահության նախարարության հետ՝ յուրաքանչյուր առանձին բաժանորդին և կորոնավիրուսի համաճարակի դեմ պայքարի միջոցառումներում ներգրավված կամավորներին աջակցելու նպատակով: Մենք արդեն իսկ նախատեսել ենք բազմաթիվ միջոցառումներ, իսկ ես ձեզ պարբերաբար տեղյակ կպահեմ հիմնական իրադարձությունների մասին:

Այսօր մենք պարզապես պարտավոր ենք սատարել միմյանց և հոգ տանել մեր և մեր սիրելիների մասին: Առողջություն եմ մաղթում: