Կապի թանգարան
Team Telecom Armenia-ն հանդիսանում է Հայաստանում առաջին տելեկոմ ցանցի ժառանգորդը։ Ունենալով ոլորտում ծառայությունների մատուցման ավելի քան 100 տարվա պատմություն և ստանձնելով կապի զարգացման պատմության պահպանումն ու նոր սերունդներին փոխանցելու պատասխանատվությունը՝ ընկերությունը հետաքրքրվող բոլոր անձանց առաջարկում է այցելել Հայաստանում միակ Կապի թանգարան։
Թանգարանը հիմնադրվել է 2012 թվականին։ Այստեղ ներկայացված են Հայաստանում կապի զարգացման պատմությանը վերաբերող նյութեր։ Թանգարանի այցելուները կարող են ծանոթանալ Հայաստանում հեռահաղորդակցության էվոլյուցիային, տեսնել կապի սարքեր՝ 19-րդ դարից սկսած մինչև ֆիքսված, բջջային և ինտերնետ կապի թվային ժամանակակից միջոցներ։
Կապի թանգարան կարելի է այցելել ուրբաթ օրերին՝ կատարելով նախնական գրանցում։ Գրանցման համար անհրաժեշտ է զանգահարել 010410410 հեռախոսահամարին կամ գրել museum@telecomarmenia.am էլ․ հասցեին։ Թանգարանը գտնվում է Երևանի Ազատության պողոտա 24/1 հասցեում։
Եթե ցանկանում եք ծանոթանալ թանգարանի ցուցանմուշներին, բայց չեք կարող ֆիզիկապես այցելել, առաջարկում ենք կատարել վիրտուալ շրջայց։